19/08/2013 14:49:37

Masakra apo gjuetia e shpendëve të rrallë

Gjuetarët nga Kosova dhe Shqipëria gjuajnë me mjete të ërnda shpendët dhe kafshët e mbrojtura

HAS - Gjuetia pa kriter në masivet pyjore të rrethit të Hasit është rritur ndjeshëm aq sa është kthyer ndër shqetësimet kryesore rreziku i zhdukjes së disa kafshëve të egra e shpendëve si pasojë e gjuetisë me mjete shfarorëse. Alarmin e japin disa gjuetarë të këtij rrethi, të cilët kërkojnë mbështetjen më të madhe të specialistëve të ndërmarrjes së pyjeve të rrethit e të punonjësve të policisë për parandalimin e kësaj gjuetie shfarorëse e pasoja të rënda për faunën e rrethit. "Janë me dhjetëra gjuetarë, kryesisht nga rrethe të tjera dhe nga Kosova, që në orët e natës gjuajnë me mjete shfarosëse. Situata është e njohur, por deri tani të gjitha strukturat qëndrojnë indiferente ndaj këtij fenomeni", thotë Ylber Dauti, një prej gjuetarëve të komunës Golaj.Sipërfaqja pyjore e rrethit të Hasit zë rreth 23 mijë ha, nga 45 mijë ha që është sipërfaqja e rrethit. Në kete rreth me 17 mijë banorë disponojnë armë gjuetie mbi 400 persona, ndërsa në shoqatën e gjuetarëve marrin pjesë vetëm 80 persona.

HermesNews - ©2013

Dërgo me email | Stampo artikullin